Plantun de Prouvènço

Pèr coumpara dos planto d'encò nostre

Hieracium ucenicum & Myosotis arvensis

Hieracium ucenicum

Asteraceae Compositae

Nom en français : Épervière.

Descripcioun :
Aquesto esparello trachis en mountagno dins li paret e li roucas. Fai partido dóu group AMPLEXICAULIA qu'an de fueio emé de péu glandoulous. Pamens a pas tant de péu glandoulous que Hieracium amplexicaule. Li fueio soun un pau dentado e lou recetacle porto proun de ciho (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 2 à 3 cm
Flourido : Printèms - Estiéu

Sòu : Ca
Autour basso e auto : 400 à 1800 m
Aparado : Noun
Mai à avoust

Liò : Paret - Roucas
Estànci : Subremediterran à Subaupen
Couroulougi : Mediterranenco-Mountagnouso-Nord-Ouèst
Ref. sc. : Hieracium ucenicum Arv.-Touv., 1888

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").